Raqibsiz qolgan Marlon Vera Pyotr Yanga murojaat qildi
Sport
−
30 iyun 2023 3136
Eng yengil vazn toifasida UFC jangchisi Marlon Vera rossiyalik sportchi Pyotr Yanga taklif bilan chiqdi. Bu haqda sportchining o‘zi Twitter sahifasida ma’lum qildi.
Unga ko‘ra, joriy yilning 19 avgust kuni UFC 292 turnirida Genri Cyexudo bilan jang qilishi kerak bo‘lgan Marlon Vera qarshi tarafdagi jarohat sabab raqibsiz qoldi va zaxira jangchi sifatida rossiyalik sobiq chempion Pyotr Yanni ko‘ra boshladi.
“Cyexudo o‘yindan chiqdi. Balki qo‘rqanidan, balki rostdan ham jarohati bor. Lekin u qochish yo‘lini topdi. Endi menga sen keraksan, kel ularga ko‘rsatib qo‘yaylik”, deydi Vera.
Ma’lumot uchun, Marlon Vera bunga qadar 29 ta jang o‘tkazib, 20 tag‘alaba, 8 ta mag‘lubiyat va 1 ta durang natija qayd etgan. Pyotr Yan esa professional faoliyati davomida 21 ta jangda qatnashib, 16 tasida g‘alaba qozongan, 5 tasida raqiblariga imkoniyatni boy bergan.
