Putinning O‘zbekistonga tashrifi yakunlari bo‘yicha 27 ta hujjat imzolandi

Rossiya va O‘zbekiston delegatsiyalari Rossiya Prezidenti Vladimir Putinning Toshkentga tashrifi doirasida 26 ta hujjat – kelishuvlar, memorandumlar va protokollarni tasdiqladi. Bungacha ikki davlat rahbarlari Qo‘shma bayonotni imzoladi. 

Hujjatlarni imzolash marosimi ikki davlat rahbarlari ishtirokida bo‘lib o‘tdi. 

Toshkentda bir qancha hukumatlararo shartnomalar imzolandi: qo‘shma kino ishlab chiqarish, sanitariya-epidemiologiya sohasida hamkorlik, metrologiya sohasida texnik yordam ko‘rsatish to‘g‘risida. 

2025-2026-yillarda turistlar oqimini oshirish, 2024-2026 yillarda madaniyat sohasida hamkorlik bo‘yicha bir qancha dasturlar tasdiqlandi. 

Bundan tashqari, O‘zbekistonda N.E.Bauman nomidagi Moskva davlat texnika universiteti, shuningdek, Butunrossiya tashqi savdo akademiyasining filiallarini ochish bo‘yicha shartnomalar imzolandi. Rejaga ko‘ra, respublikada Rossiya loyihasidagi atom elektr stansiyasini qurish bo‘yicha hujjatlar qabul qilindi.

Rossiya va O‘zbekiston vakillari bir qancha harakatlar rejalarini qabul qildi: sanoat kooperatsiyasini kengaytirish, ustuvor yo‘nalishlar bo‘yicha o‘zaro hamkorlik, tovar ayirboshlashni ko‘paytirish, o‘simliklar karantini sohasida hamkorlikni rivojlantirish, Toshkent shahrida Sberbank tajriba loyihalarini amalga oshirish, mahalliy hokimiyat va “Gazprom neft” o‘rtasidagi hamkorlik to‘g‘risida.  

Shuningdek, transport injiniringi va aviatsiya tizimlarini rivojlantirish sohasida o‘zaro anglashuv va tajriba almashish to‘g‘risidagi memorandumlar imzolandi.

Muzokaralar boshlanishidan oldin Putin Moskva va Toshkent o‘rtasidagi har tomonlama hamkorlikning bir qancha yo‘nalishlarini qamrab olishi kerak bo‘lgan katta hujjatlar to‘plami imzolanganini e’lon qildi.