Putin va Zelenskiy urush boshlangandan beri birinchi marta yuzma-yuz uchrashishi mumkin

north_east

Bayden Balida Putin bilan uchrashmoqchi

Rossiya Prezidenti Vladimir Putin va Ukraina Prezidenti Vladimir Zelenskiy noyabr oyida Indoneziyada bo‘lib o‘tadigan G20 sammitida qatnashish haqida kelishib oldi. Bu haqda Indoneziyaning Birlashgan Arab Amirliklaridagi elchisi Husin Bagis BAAning “The National” gazetasiga bergan intervyusida aytdi.

“Ikkisi ham rozi bo‘ldi. Ukraina va Rossiya o‘rtasidagi urush tufayli vaziyat oddiy emas”, deydi elchi.

Rossiya Federatsiyasi Prezidenti matbuot kotibi Dmitriy Peskov G20 sammitida rossiyalik vakillar ishtirok etishini aytdi, biroq format hali aniqlanmagan.

Ukraina Prezidenti matbuot kotibi Sergey Nikiforov esa Ukraina ommaviy axborot vositalariga bergan izohida Zelenskiy noyabr oyida Indoneziyada bo‘lib o‘tadigan G20 sammitida ishtirok etishga qaror qilgani haqidagi ma’lumotni rad etdi.

“Yo‘q, yakuniy qaror hali qabul qilingani yo‘q”, degan Nikiforov.

G20 sammiti 15-16 noyabr kunlari Indoneziyaning Bali orolida bo‘lib o‘tadi.

Ukraina Prezidenti Vladimir Zelenskiy urush davrida bir necha bor Ukrainadan tashqarida o‘tkazilgan tadbirlarda qatnashgan, lekin har doim videoaloqa orqali ishtirok etgan.