Putin MDHdagi qonuniy hukumatni buzishga urinishlarni bashorat qildi

Ba’zi davlatlar qonuniy hukumatni, an’anaviy qadriyatlarni va umuman Mustaqil Davlatlar Hamdo‘stligi (MDH) mamlakatlaridagi vaziyatni buzishga harakat qilmoqda. Bu haqda Rossiya Prezidenti Vladimir Putin bugun, 8 noyabr kuni MDH Xavfsizlik kengashi kotiblarining Moskvada o‘tayotgan yig‘ilishi ishtirokchilariga yo‘llagan videomurojaatida ma’lum qildi. 

“Global beqarorlik Yevroosiyoga ham prognoz qilinmoqda. Bundan tashqari, ayrim davlatlarning xatti-harakatlari bevosita MDH mamlakatlaridagi qonuniy hokimiyat, ijtimoiy barqarorlik va an’anaviy qadriyatlarga putur yetkazish, an’anaviy yaqin savdo, hamkorlik va madaniy aloqalarimizni buzishga qaratilgan”, deydi u.

Putinning qayd etishicha, MDH mamlakatlari uchun terrorizm va uyushgan jinoyatchilik, giyohvand moddalarning noqonuniy aylanishi va noqonuniy migratsiya, radikalizm va ekstremizm kabi umumiy tahdidlar, shuningdek, iqtisodiy, axborot, texnologik va biologik xavfsizlik sohasidagi xavflar saqlanib qolmoqda.

“Bularning barchasi nafaqat kelishilgan jamoaviy javob, balki katta profilaktika ishlarini ham talab qiladi. 

Xususan, MDH va butun jahondagi vaziyatni chuqur va har tomonlama o‘rganish, ustuvor yo‘nalishlarni aniq belgilash, strategik rejalashtirish hujjatlarini o‘z vaqtida tuzatish uchun xavfsizlik kengashlarining prognozlash, axborot-tahliliy salohiyatidan to‘liq foydalanish muhim”, deydi Rossiya rahbari.

Rossiya Prezidenti Xavfsizlik kengashlari orqali hamkorlik bundan buyon ham MDH davlatlarining barqarorligi va xavfsizligini mustahkamlashga, umumiy maqsadlarga erishish uchun kelishilgan yondashuvlarni ishlab chiqishga xizmat qilishiga ishonch bildirgan.