Putin Xitoyda. Uning tashrif rejasi ma’lum bo‘ldi

Rossiya Prezidenti Vladimir Putin Xitoy rahbari Si Szinpin taklifiga binoan Xitoyga keldi. Rossiya yetakchisi Pekinda ikki kun – 17 va 18 oktyabrda bo‘ladi.

Ma’lum qilinishicha, Putin tashrifining birinchi kunida “Bir makon, bir yo‘l” uchinchi xalqaro forumida ishtirok etayotgan hamkasblari bilan ikki tomonlama uchrashuv o‘tkazadi. Unda Vetnam Prezidenti Vo Van Txong, Tailand Qirolligi Bosh vaziri Setta Txavisin, Mo‘g‘uliston Prezidenti Uxnaagiyn Xurelsux va Laos Xalq Demokratik Respublikasi Prezidenti Txongloun Sisoulit bilan muzokaralar o‘tkazilishi rejalashtirilgan.

Bundan tashqari, bugun, 17 oktyabr kuni Putin Szinpin va uning rafiqasi Pen Liyuan ishtirokidagi “Bir makon, bir yo‘l” forumida delegatsiyalar rahbarlari bilan birga o‘tkazilishi mo‘ljallanayotgan rasmiy marosimda ham qatnashadi.

Forumning asosiy tadbirlari 18 oktyabr kuni Tyananmen maydonidagi Xalq majlislari zalida bo‘lib o‘tadi. 

Shuningdek, 18 oktyabr kuni Rossiya-Xitoy muzokaralari bo‘lib o‘tadi, shundan so‘ng Putin forum doirasidagi bir qator ikki tomonlama uchrashuvlarni davom ettiradi. Rossiya Prezidenti o‘tish davri hukumati rahbari, Pokiston Bosh vaziri Anvar-ul-Haq Kakar bilan ham muloqot qilishi rejalashtirilgan.

Avvalroq, O‘zbekiston Prezidenti Shavkat Mirziyoyev “Bir makon, bir yo‘l” xalqaro forumining ochilishida ishtirok etish maqsadida Pekinga yetib borgani haqida xabar bergan edik.