Putin amerikalikni “Jasorat” ordeni bilan siyladi

Prezident Vladimir Putin "Soyuz-FG" raketasi halokati tufayli halokatga uchragan parvoz ishtirokchisi bo‘lgan amerikalik astronavt Nik Xaygni "Jasorat" ordeni bilan mukofotladi. Bu haqda RIA Novosti xabar bermoqda. 

Amerikalik kosmonavt "favqulodda vaziyatlarda hayot uchun xavfning oshishi bilan bog‘liq bo‘lgan sharoitda rasmiy vazifalarni bajarishda ko‘rsatgan jasorati va yuqori professionalligi uchun" mukofotiga sazovor bo‘ldi.

Xayg va rossiyalik kosmonavt Aleksey Ovchinin 2018 yil 11 oktyabrida Soyuz MS-10 kosmik kemasida Xalqaro kosmik stansiyaga uchdi. Biroq, parvozning uchinchi daqiqasida "Soyuz-FG" uchirish moslamasida halokat yuz berdi.

Astronavtlar uchish maydonchasidan 400 kilometr masofaga xavfsiz tarzda qo‘ndi. Ovchinin va Xayg shu yilning 14 martida yangi reysga yo‘l oldi, amerikalik Kristina Kuk uchinchi ekipaj a’zosi bo‘ldi.

Kema 15 mart kuni ertalab XKSga qo‘ndi. Ovchinin va Xayg shu yilning 3 oktyabr kuni BAAdan birinchi kosmonavt Hazza al-Mansuriy bilan birga yerga qaytdi.