Pulishich faoliyatini Italiyada davom ettirishi mumkin
Sport
−
03 iyul 2023 1789
Italiyaning “Milan” klubi amerikalik futbolchi Kristian Pulishich transferi bo‘yicha “Chelsi”ga dastlabki taklifini jo‘natdi. Bu haqda “The Athletic” xabar berdi.
Manbaga ko‘ra, “rossonerilar” London klubiga 14 million yevrolik taklif bilan chiqqan. “Chelsi” esa yarim himoyachini qimmatroqqa sotmoqchi.
Qayd etilishicha, milanliklar allaqachon amerikalik futbolchining o‘zi bilan kelishib bo‘lgan.
Pulishich 2019 yilda 64 million yevro evaziga Germaniyaning “Borussiya” klubidan “Chelsi”ga o‘tgandi. Futbolchi 2022/23 yilgi mavsumda Angliya chempionatida 24 o‘yinda 1 ta gol urgan. “Transfermarkt”ga ko‘ra, uning qiymati 25 million yevroni tashkil etadi.
Live
Barchasi
