Poytaxtning 6 tumanidagi ayrim hududlar bugun “svet”siz qoladi

Bugun, 9 iyun kuni Toshkent shahrining 6 tumanida elektr ta’minoti vaqtincha cheklab qo‘yiladi. Bu haqda “Hududiy elektr tarmoqlari” AJ Toshkent shahar filiali Matbuot xizmati xabar berdi.

Unga ko‘ra, elektr ta’minoti vaqtincha to‘xtatilishiga asosiy sabab iste’molchilarga sifatli va barqaror elektr energiyasini yetkazib berilishini ta’minlash, elektr tarmoqlarida sodir bo‘lishi mumkin bo‘lgan avariya holatlarini oldini olish, hamda ta’mirlash ishlarini xavfsiz bajarish hisoblanadi. Shunga binoan quyidagi hududlarda elektr energiyasi tarmoqdan uzib qo‘yiladi:

• Chilonzor tumanining: Sohil bo‘yi, “Bog‘iston” hamda “Lutfiy” MFYlari ayrim hududlarida soat 09:00 dan 17:00 gacha elektr ta’minoti vaqtincha to‘xtatiladi;
• Bektemir tumanining: “Iyk ota” MFYning Imon (Ma’rifat), Mevazor, Orasta hamda Taraqqiyot va “Oltintopgan” MFYning ayrim hududlarida soat 09:00 dan 17:00 gacha elektr ta’minoti vaqtincha to‘xtatiladi;
• Mirzo ulug‘bek tumanining: “Sh.Burxonov”, “Katta qorasuv”, “Bo‘z”, “Alpomish”, “Podshobog‘” hamda “Yalong‘och” MFYlari hududlarida soat 09:00 dan 12:00 gacha elektr ta’minoti vaqtincha to‘xtatiladi;
• Yakkasaroy tumanining: Tadbirkor, Chopon ota ko‘chalarida soat 10:00 dan 17:00 gacha elektr ta’minoti vaqtincha to‘xtatiladi;
• Yashnobod tumanining: Yangiobod mavzesi, Aviasozlar 2-, 4- mavzesi, Tuzel 2-, 3- mavzesi, 58-sonli Xarbiylar shaharchasi, Chashma, Shavkat, Chilon ota, Alimkent, Elbek, To‘rtko‘l, Qorasuv, Xovos hamda Birlashgan ko‘chalari hududlarida soat 09:00 dan 17:00 gacha elektr ta’minoti vaqtincha to‘xtatiladi;
• Mirobod tumanining: “Movorounnahr”, “Oybek” va “Salar” MFYlari hududlarida soat 10:00 dan 17:00 gacha elektr ta’minoti vaqtincha to‘xtatiladi;

Shuningdek, xabarda Aksiyadorlik jamiyatining Toshkent shahar filiali mazkur ta’mirlash ishlari tufayli yetkazilayotgan noqulayliklar uchun ushbu hududlarda yashovchi iste’molchilardan uzr so‘ragan.