Пойтахтнинг 6 туманидаги айрим ҳудудлар бугун “свет”сиз қолади

Бугун, 9 июнь куни Тошкент шаҳрининг 6 туманида электр таъминоти вақтинча чеклаб қўйилади. Бу ҳақда “Ҳудудий электр тармоқлари” АЖ Тошкент шаҳар филиали Матбуот хизмати хабар берди.

Унга кўра, электр таъминоти вақтинча тўхтатилишига асосий сабаб истеъмолчиларга сифатли ва барқарор электр энергиясини етказиб берилишини таъминлаш, электр тармоқларида содир бўлиши мумкин бўлган авария ҳолатларини олдини олиш, ҳамда таъмирлаш ишларини хавфсиз бажариш ҳисобланади. Шунга биноан қуйидаги ҳудудларда электр энергияси тармоқдан узиб қўйилади:

• Чилонзор туманининг: Соҳил бўйи, “Боғистон” ҳамда “Лутфий” МФЙлари айрим ҳудудларида соат 09:00 дан 17:00 гача электр таъминоти вақтинча тўхтатилади;
• Бектемир туманининг: “Ийк ота” МФЙнинг Имон (Маърифат), Мевазор, Ораста ҳамда Тараққиёт ва “Олтинтопган” МФЙнинг айрим ҳудудларида соат 09:00 дан 17:00 гача электр таъминоти вақтинча тўхтатилади;
• Мирзо улуғбек туманининг: “Ш.Бурхонов”, “Катта қорасув”, “Бўз”, “Алпомиш”, “Подшобоғ” ҳамда “Ялонғоч” МФЙлари ҳудудларида соат 09:00 дан 12:00 гача электр таъминоти вақтинча тўхтатилади;
• Яккасарой туманининг: Тадбиркор, Чопон ота кўчаларида соат 10:00 дан 17:00 гача электр таъминоти вақтинча тўхтатилади;
• Яшнобод туманининг: Янгиобод мавзеси, Авиасозлар 2-, 4- мавзеси, Тузел 2-, 3- мавзеси, 58-сонли Харбийлар шаҳарчаси, Чашма, Шавкат, Чилон ота, Алимкент, Элбек, Тўрткўл, Қорасув, Ховос ҳамда Бирлашган кўчалари ҳудудларида соат 09:00 дан 17:00 гача электр таъминоти вақтинча тўхтатилади;
• Миробод туманининг: “Мовороуннаҳр”, “Ойбек” ва “Салар” МФЙлари ҳудудларида соат 10:00 дан 17:00 гача электр таъминоти вақтинча тўхтатилади;

Шунингдек, хабарда Акциядорлик жамиятининг Тошкент шаҳар филиали мазкур таъмирлаш ишлари туфайли етказилаётган ноқулайликлар учун ушбу ҳудудларда яшовчи истеъмолчилардан узр сўраган.