Postsovet hududidagi ta’sirimiz o‘sib boryapti – Putin

Rossiyaning sobiq Sovet ittifoqidagi respublikalardagi ta’sirining ortishi uning raqiblari xavotiriga sabab bo‘ladi. Rossiya Prezidenti Vladimir Putin OAV vakillari bilan uchrashuvda shunday fikrni bildirib o‘tdi.

Unga ko‘ra, Moskvaning raqobatchilari dunyodagi keskinlikni kamaytirish bo‘yicha muzokaralar vaji bilan Rossiyani MDH hududidan siqib chiqarishga harakat qiladi.

Uning aytishicha, Rossiyaning muxoliflari yoki potensial raqiblari uzoq vaqtdan beri hokimiyatga chanqoq odamlarni o‘z manfaati yo‘lida ishlatgan.

“Bizning postsovet hududidagi ta’sirimiz o‘sib boryapti. Barcha qiyinchiliklarga qaramay. Axir, Ittifoqni buzayotganimizda, mustaqil davlatlar paydo bo‘lishining barcha yuzaga chiquvchi oqibatlarini tushunishimiz kerak edi.. Ammo shunga qaramay, so‘nggi yillarda bu yerda bizning ta’sirimiz o‘sib bormoqda. Bu tashvish uyg‘otadi va bizni bundan uzoqlashtirishga urinishadi”, degan Putin.

Unga ko‘ra, “kuchga chanqoq” odamlar albatta shu maqsadlarda foydalaniladi.

“Dunyodagi keskinlikni kamaytirish bo‘yicha umumiy suhbatlar doirasida, men bu odamlardan ham bunday qarorlarni qabul qilishlari talab qilinishiga aminman”, deya qo‘shimcha qilgan RF Prezidenti.