Pol Pogba “Real”ga o‘tish niyatida
Sport
−
07 aprel 2020 3061
Angliyaning "Manchester Yunayted" jamoasi yarim himoyachisi fransiyalik Pol Pogba Madridning "Real" klubiga o‘tish niyatida. Bu haqda Ispaniyaning AS nashri xabar tarqatdi.
Ma’lum bo‘lishicha, Pogba faoliyatini davom ettirishi uchun "Real"ni ma’qul variant deya hisoblamoqda. Agarda Pol Pogba sobiq jamoasi "Yuventus" klubidan taklif tushsa ham "Real"ni tanlashini ma’lum qildi.
Ma’lumot o‘rnida, madridliklar o‘tgan yilning yoz oyida Pogbaga qiziqish bildirgandi. Ammo jamoalar futbolchining transfer narxini kelisha olmagani bois o‘tish amalga oshmay qolgandi.
Eslatib o‘tamiz, 27 yoshli futbolchi Pol Pogba "Manchester Yunayted" jamoasida joriy mavsumda barcha musobaqalarda 8 uchrashuvda maydonga tushgan va 2 marotaba golli uzatma oshirgan. Pogbaning "qizil iblislar" bilan tuzgan amaldagi shartnomasi 2021 yilning yoz oyida o‘z yakuniga yetadi.
Live
Barchasi07 noyabr 2023
07 noyabr 2023
07 noyabr 2023
