Pokistonlik diplomatning qizi o‘ldirib ketildi 

Olam

image
Qizi o‘g‘irlanib, qiynoqqa solingan Afg‘oniston elchisi Qobulga chaqirib olindi north_east

Qizi o‘g‘irlanib, qiynoqqa solingan Afg‘oniston elchisi Qobulga chaqirib olindi

Pokistonning Janubiy Koreyadagi sobiq elchisining qizi — 27 yoshli Nur Mukadam o‘ldirib ketildi. Bu pokistonlik ayollarni qo‘llab-quvvatlovchi namoyishlar o‘tkazilishiga sabab bo‘ldi, deb xabar bermoqda “Reuters” nashri. 

Ma’lumotlarga ko‘ra, Mukadam joriy yilning 20 iyul kuni Pokiston poytaxti Islomobodning elita tumanida boshi tanasidan uzilgan holda topilgan. Politsiya Pokistondagi eng boy oilalardan birining vorisi va AQSH fuqarosi Zohir Jafferni qotillikda ayblagan. 

Tergov ma’lumotlariga ko‘ra, qiz va yigit do‘st bo‘lgan. Jaffer Mukadamni yo‘ldan ozdirib, uni ikki kunga qamab qo‘ygan va boshini kesib tashlagan. 

Diplomat qizining o‘ldirilishi keng jamoatchilik noroziligiga sabab bo‘lgan. Odamlar ijtimoiy tarmoqlarda g‘azabga to‘la xabarlar yozgan, mamlakatning yirik shaharlarida, hatto Kanada va AQSHda ham norozilik namoyishlari bo‘lib o‘tgan. 

Ma’lumot o‘rnida, har yili Pokistonda oiladagi zo‘ravonlikdan yuzlab ayollar o‘ldiriladi va minglab odamlar jarohat oladi. Hujumchilar esa kamdan-kam hollarda jazoga tortiladi. 

Avvalroq, Afg‘onistonning Pokistondagi elchisining qizi noma’lum shaxslar tomonidan o‘g‘irlab ketilgani haqida xabar bergan edik. 


Maqola muallifi

Teglar

qotillik Pokiston diplomat

Baholaganlar

367

Reyting

3

Maqolaga baho bering

Doʻstlaringiz bilan ulashing