Vayronkor zilzilada 19 kishi qurbon bo‘ldi
Olam
−
25 Sentabr 2019 6383
Pokistonda yuz bergan kuchli zilzila natijasida 19 kishi halok bo‘ldi va kamida 300 kishi jarohatlandi. Bu haqda BBC xabar berdi.
“Pokiston sharqida 5,8 magnitudali zilzila yuz berdi. Natijada 19 kishi qurbon bo‘ldi, 300 nafari jarohatlandi”, deyiladi xabarda.
Qurbonlar orasida bolalar ham bor. Silkinish markazi kashmir viloyatidagi Mirpur shahri yaqinida bo‘lgan.
Ijtimoiy tarmoqlarda tarqalayotgan suratlarda asosiy yo‘lda katta yoriqlar yuzaga kelgani, uylar qisman zararlanganini ko‘rish mumkin. Zilzila keltirgan zararning umumiy miqdori hozircha noma’lum.
Favqulodda vaziyat yuz bergan joyga yordam berish uchun harbiylar yuborilgan.
Live
Barchasi
