Pogba Ronalduning jamoadoshiga aylanishi mumkin

Saudiya Arabistonining “Al-Nasr” klubi Turinning “Yuventus” klubi yarim himoyachisi Pol Pogbani sotib olish imkoniyatini ko‘rib chiqmoqda. Bu haqda “TEAMtalk” xabar berdi.

Manbaga ko‘ra, klub futbolchiga foydali taklif bilan chiqishga tayyor. Saudiya klubidan tashqari yarim himoyachi uchun “Los-Anjeles” va “Marsel” ham da’vogarlik qilmoqda.

Ma’lumot uchun, o‘tgan yilning avgust oyida fransiyalik yarim himoyachi doping-testdan ijobiy o‘tgan edi. 29 fevral kuni antidoping sudi futbolchini 4 yilga diskvalifikatsiya qilish qarorini tasdiqladi. Sud Pogbani diskvalifikatsiya qilish to‘g‘risida qaror qabul qilganidan so‘ng, u apellyatsiya berdi. 7 oktyabr kuni Sport arbitraj sudi (CAS) fransiyalik yarim himoyachining diskvalifikatsiya muddatini 18 oyga qisqartirganini e’lon qildi. Shu tariqa, u 2025 yilning mart oyida rasmiy o‘yinlarga qaytishi mumkin bo‘ladi.