Peres Kroos va Modrich bilan uchrashadi
Sport
−
10 may 2503
“Real” yarim himoyachilari Luka Modrich va Toni Kroosning Madrid klubidagi kelajagi yaqin kunlarda hal bo‘ladi. Bu haqda futbol jurnalisti Xose Feliks Dias o‘z X sahifasida ma’lum qildi.
Manbaga ko‘ra, tez orada “Real Madrid” prezidenti Florentino Peres futbolchilar bilan uchrashuv o‘tkazadi. “Qaymoqranglilar” bosh murabbiyi Karlo Anchelotti Modrich va Kroosning qolishini istamoqda.
Qayd etish joiz, 8 may kuni Yevropa Chempionlar ligasi 1/2 finali javob o‘yinida “Real Madrid” Myunxenning “Bavariya” klubini mag‘lub etdi (2:1). Ushbu g‘alaba evaziga madridliklar turnir finaliga yo‘l oldi. Shu tariqa, joriy mavsum Yevropa Chempionlar ligasi finalida “Real Madrid” va “Borussiya Dortmund” jamoalari o‘ynaydi. Turnirning hal qiluvchi o‘yini 1 iyun kuni Angliya poytaxti Londondagi “Uembli” stadionida bo‘lib o‘tadi.
Live
Barchasi
