Parkentda 8 ta avtomobil ishtirokida YTH sodir bo‘ldi

Kecha, 17 iyul kuni Toshkent viloyati, Parkent tumanida sakkizda avtomobil ishtirokida yo‘l-transport hodisasi sodir bo‘ldi. Bu haqda YHXBB matbuot xizmati xabar berdi.

YTH soat 15:00 larda Parkent tumani, “Parkent-Kumushkon” yo‘lida sodir bo‘lgan. Haydovchi, 1990 yilda tug‘ilgan M.A. HOVO rusumli yuk avtomobilida harakatlanib ketayotgan vaqtda tormoz tizimi ishdan chiqib boshqaruvni yo‘qotgan va natijada:

1) haydovchi M.M. boshqaruvidagi “GAZ-24”;
2) haydovchi F.R. boshqaruvidagi Spark;
3) haydovchi A.R. boshqaruvidagi Nexia;
4) haydovchi B.T. boshqaruvidagi Spark;
5) haydovchi M.Yu. boshqaruvidagi Lacetti;
6) haydovchi Z.M. boshqaruvidagi “Gazel”;
7) haydovchi B.U. boshqaruvidagi “VAZ-2106” rusumli avtomobillar bilan to‘qnashib YTH sodir etgan.

Oqibatda “VAZ-2106” rusumli avtomobil haydovchisi B.U. hamda uch nafar yo‘lovchilariga birinchi tez tibbiy yordam ko‘rsatilgan.

Mazkur YTH yuzasidan Parkent tumani IIB huzuridagi tergov bo‘limi tomonidan surishtiruv harakatlari olib borilmoqda.