Pansionatdan 16 million so‘mlik qiymatga ega buyumlarni o‘g‘irlagan shaxs qo‘lga olindi
Jamiyat
−
13 dekabr 2019 2848
Joriy yilning 23 avgustidan 24 avgustiga o‘tar tunda noma’lum shaxs kalit tanlash yo‘li bilan Yunusobod tumanidagi pansionatlardan birining xizmat xonasiga kiradi. U yerdan har birining narxi 750.000 so‘m bo‘lgan 3 ta kurtkani, har birining narxi 7.040.000 so‘m bo‘lgan 2 ta monoblokni o‘g‘irlab ketgan.
Ushbu fakt asosida Yunusobod tumani prokuraturasi tomonidan O‘zbekiston Respublikasi Jinoyat kodeksining 169-moddasi ("O‘g‘irlik") bo‘yicha jinoiy ish qo‘zg‘atildi.
So‘nggi ma’lumotlarga ko‘ra, ko‘rilgan choralar natijasida gumonlanuvchi – qashqadaryolik 31 yoshli Abbos M. qo‘lga olingan.
Live
Barchasi
