“Paxtakor” o‘rmon qiroli sher ekanligini yana bir marta isbotladi

Futbol bo‘yicha O‘zbekiston chempionati bahslari yakunlandi. Qizg‘in va murosasiz o‘tgan mavsumda Toshkentning "Paxtakor" klubi Superligada chempionlikni qo‘lga kiritdi. Toshkent derbisida "sherlar" "Bunyodkor"dan ustun keldi - 2:0. "Jar" stadionida bo‘lib o‘tgan bahsda rasmiy mehmonlar safidan gollarga Dragan Cheran va Aziz Turg‘unboyev mualliflik qildi.

Namanganda "Navbahor" AGMKni mag‘lubiyatga uchratdi - 3:1. So‘nggi turga qadar chempionlik uchun imkoniyatni saqlab kela olgan Qarshining "Nasaf" klubi esa Toshkentning "Olimpik" jamoasiga imkoniyatni boy berdi - 2:0.

Shunday qilib, Superliga yakunlariga ko‘ra "Paxtakor" klubi musobqaning bosh sovrinini qo‘lga kiritgan bo‘lsa, Samvel Babayan murabbiyligidagi "Navbahor" kumush medal sohibiga aylandi. Qarshi jamoasi esa bu yil 3-o‘rin bilan kifoyalandi.

26-tur natijalari:

"Qizilqum" 2:1 "So‘g‘diyona"";

"Lokomotiv" 3:1 "Metallurg";

"Dinamo" 2:0 "Qo‘qon-1912";

"Olimpik" 2:0 "Nasaf";

"Bunyodkor" 0:2 "Paxtakor" ;

"Navbaxor" 3:1 AGMK;

"Neftchi" 3:0 "Surxon".

Chempionat yakunlariga ko‘ra, "Qo‘qon-1912" va "Dinamo" yangi mavsumni Pro ligada boshlaydigan bo‘ldi. Toshkentning "Lokomotiv" klubi esa o‘tish o‘yinida Pro liga vakili bilan to‘qnash keladi.