Pakyao Meyvezer bilan ikkinchi jangi o‘tkazilishini tasdiqladi

Sobiq pound-for-pound yetakchisi va olti vazn toifasida jahon chempioni, afsonaviy filippinlik Menni Pakyao birinchi jangidan 10 yil o‘tib, amerikalik Floyd Meyvezer bilan ikkinchi jangini e’lon qildi.

Yaqinda Menni Pakyao Yaponiyadagi “Saitama Super Arena”da Yangi yil arafasida Rizin 45 ga bordi. Pakni Rizin bosh direktori Nobuyuki Sakakibara ringga taklif qildi va u afsonaviy bokschi Floyd Meyvezer bilan jang qilish-qilmasligini aytdi.

“Meni bu yerga taklif qilganingiz uchun katta rahmat. Janob Sakakibara tushuntirganidek, o‘tgan yili jang o‘tkazishga ulgurmaganimizdan juda afsusdaman. Keyingi yil Yaponiyada Floyd Meyvezer bilan katta jang bo‘ladi. Buni e’lon qilishimni xohlamaysiz deb o‘yladim. Lekin men bundan juda xursandman”, deydi Pakyao.

Ma’lumot uchun, Menni Pakyao va Floyd Meyvezer o‘rtasidagi 1-jang 2015 yilning 2 may kunida AQSHning Nevada shtatida o‘tkazilgandi. Jang yakuniga ko‘ra, ikki hakam 116–112 va uchinchisi esa 118–110 hisobi bilan bir ovozdan Meyvezerning g‘alabasini tasdiqlagan.