Qashqadaryoda 12 mln so‘mlik “Ulug‘vor lola”ni o‘g‘irlamoqchi bo‘lishdi
O‘zbekiston
−
23 Aprel 2020 15813 1 daqiqa
Qashqadaryo viloyati Ekologiya va atrof-muhitni muhofaza qilish boshqarmasi ekoinspektorlari tomonidan O‘zbekiston Qizil kitobiga kiritilgan tog‘ lolasi kontrabandasining oldini olishdi. Bu haqda viloyat Ekologiya va atrof muhitni muhofaza qilish boshqarmasi matbuot xizmati xabar bermoqda.
21 aprel kuni Yakkabog‘ tumani tog‘li hududlarida o‘tkazilgan reyd davomida tumanning Tatar MFY “Suvlisoy” qishlog‘idan “Zarmast” qishlog‘iga yo‘l olgan Damas rusumli mashinada 105 tup Ulug‘vor lola (Tyulpan velikiy (Tulipa ingens T.M.Hoog) o‘simligini noqonuniy olib ketilayotgani aniqlangan. O‘simliklar Yakkabog‘ davlat o‘rmon xo‘jaligi o‘rmon fondi yerlaridan yulib olingan.
Ma’lumotlarga ko‘ra, ushbu qonunbuzarlik Shaxrisabz tumani, “To‘damaydon” qishlog‘ida yashovchi avtomashina haydovchisi O‘roqov Sh. va sheriklari Ergashev J. Xusanov Sh., Ro‘zimurodov U., Botirov E., O‘roqov U. va Abdullayev M. Lar amalga oshirgan.
“Natijada o‘simlik dunyosiga 11 707 500 (o‘n bir million yetti yuz yetti ming besh yuz) so‘m yetkazilgan zarar hisoblanib tegishli tartibda ko‘rib chiqish uchun hujjatlar rasmiylashtirilmoqda”, deyiladi xabarda.
Live
BarchasiShavkat Mirziyoyev Ummonga bordi
16 Noyabr
Bangladeshda tikuvchilar ish tashlamoqda
16 Noyabr
16 Noyabr
Iordaniyada Telegram bloklandi
16 Noyabr