Ozarbayjondan ommaviy qabr topildi
Olam
−
23 noyabr 2022 6816
Armaniston bosqinidan ozod qilingan Ozarbayjon hududlarida yana bir ommaviy qabr topildi. Ozarbayjon Ichki ishlar vazirligining xabar berishicha, qabr respublikaning Ag‘dam rayonidagi ishg‘oldan ozod qilingan Sarijali qishlog‘i hududidan topilgan.
Voqea joyiga politsiya, prokuratura va xavfsizlik xizmati yetib kelgan.
Taxminlarga ko‘ra, qoldiqlar 1992 yilda o‘ldirilgan va dafn etilgan odamlarga tegishli.
Joriy yilning 23-26 fevral kunlari Ozarbayjonning bosib olingan Xo‘javand rayoni Edilli qishlog‘i hududidan 7 nafar, 14-30 sentyabr kunlari esa yana 18 kishining jasadi topilib, dafn etilgan joydan olib chiqildi. Kerakli ekspertiza tayinlandi, suyak qoldiqlaridan namunalar sud-molekulyar-genetik o‘rganish uchun manzilga jo‘natildi.
Live
Barchasi07 noyabr 2023
07 noyabr 2023
07 noyabr 2023
