OTMlaridagi ayrim yo‘nalish va mutaxassisliklarga qabul to‘xtatiladi

Jamiyat

image

O‘zbekistonda oliy ta’lim muassasalaridagi qator ta’lim yo‘nalishlari va utaxassisliklari tugatilishi mumkin. Bu haqda Vazirlar Mahkamasi huzuridagi Ta’lim sifatini nazorat qilish davlat inspeksiyasi boshlig‘i Ulug‘bek Toshkenboyev inspeksiya hamda Oliy va o‘rta maxsus ta’lim vazirligi hamkorligida oliy ta’lim muassasalarini attestatsiya va davlat akkreditatsiyasidan o‘tkazishdagi yangicha tartiblari to‘g‘risidagi yig‘ilishda aytib o‘tdi.

Ta’lim inspeksiyasi tomonidan 2018-2019 yillar davomida 24 ta oliy ta’lim muassasalari (OTM) attestatsiyaga jalb qilingan bo‘lib, ulardan 10 tasi (41,7 foiz) “Attestatsiyadan o‘tdi” deb e’tirof etilgan va akkreditatsiyalangan. 13 tasi (54,2 foiz) esa “Attestatsiyadan shartli o‘tdi” deb e’tirof etilib, ularga kamchiliklarni bartaraf etish uchun 1 yil muddat berildi. 1 ta OTM (4,2 foiz) “Attestatsiyadan o‘tmadi” deb e’tirof etilgan va akkreditatsiyalanmagan.

Ushbu natija ta’lim yo‘nalishlari va magistratura mutaxassisliklari bo‘yicha tahlil qilinganda:

426 ta ta’lim yo‘nalishlaridan 288 tasi (67,6 foiz) “Attestatsiyadan o‘tdi”, 138 ta (32,4 foiz) “Attestatsiyadan o‘tmadi”;

282 ta magistratura mutaxassisliklaridan 242 tasi (85,8 foiz) “Attestatsiyadan o‘tdi”, 40 tasi (14,2 foiz) “Attestatsiyadan o‘tmadi”.

Oliy o‘quv yurtidan keyingi ta’lim bo‘yicha 186 ta ixtisoslikdan 132 tasi (71 foiz) “Attestatsiyadan o‘tmadi”, 54 tasi (29 foiz) “Attestatsiyadan o‘tmadi”.

Ta’lim inspeksiyasi joriy yilning sentyabr oyida 22 ta OTMlari va 5 ta ilmiy tadqiqot muassasalarining attestatsiyadan o‘tmagan ta’lim yo‘nalishlari, magistratura mutaxassisliklari hamda ixtisosliklarni qayta attestatsiyadan o‘tkazdi.

Qayta attestatsiya natijasiga ko‘ra:

40 ta ta’lim yo‘nalishlaridan 17 ta (42,5 foiz) “Attestatsiyadan o‘tmadi” (TAQI -1 ta, TDMRXOM – 1 ta, TATU – 2 ta, O‘zDK – 3 ta TKTI – 1 ta, TDTU – 2 ta, TerDU – 2ta, GulDU – 1 ta, JizDPI - 3 ta, TDAU Nukus f. – 1 ta);

17 ta magistratura mutaxassisliklaridan 4 tasi (23,5 foiz) “Attestatsiyadan o‘tmadi” (TDTU – 4 ta);

60 ta ixtisoslikdan 19 ta (31,7 foiz) “Attestatsiyadan o‘tmadi” (BuxDU -1, BuxDTI -1, TDAU -2, TDTU -9, TIQXMMI-1, Toshkent vrachlar malakasini oshirish instituti -4, Umumiy va noorganik kimyo instituti -1) deb xulosa qilindi va qabul to‘xtalishi belgilandi.

O‘zbekiston Respublikasi Vazirlar Mahkamasining 2019 yil 7 iyundagi 470-sonli qarori bilan tasdiqlangan Nizomga asosan bundan buyon “Shartli o‘tdi” degan tushuncha bo‘lmaydi, attestatsiyadan o‘tmagan ta’lim yo‘nalishi yoki mutaxassisligiga qabul to‘xtatiladi.

Ilg‘or xorijiy tajribalar asosida oliy ta’lim muassasalarini attestatsiya va davlat akkreditatsiyasidan o‘tkazish tartibi takomillashtirildi. Yangi nizomda OTMlarni akkreditatsiyalash 4 bosqichda amalga oshirilishi belgilandi: o‘zini-o‘zini baholash (ichki baholash), mustaqil ekspertlar tomonidan tashqi baholash, xulosalar tayyorlash, aniqlangan kamchiliklarni bartaraf etish bo‘yicha aniq chora-tadbirlarni belgilash va ularni doimiy monitoring qilib borish. Bunda OTMda ta’lim sifatini o‘zini-o‘zi baholash mexanizmi mavjudligi va uning doimiy ravishda olib borilishi akkreditatsiyalanishning asosiy sharti sifatida belgilandi.


Maqola muallifi

Teglar

OTM akkreditatsiya

Baholaganlar

82

Reyting

2.9

Maqolaga baho bering

Doʻstlaringiz bilan ulashing