OTMlarga qancha abituriyent hujjat topshirgani ochiqlandi

2023-2024-o‘quv yili uchun oliy ta’lim muassasalarining bakalavriat ta’lim yo‘nalishlariga hujjat topshirgan abituriyentlar soni 1 mln 18 ming 7 nafarni tashkil etdi. Bu haqda Bilim va malakalarni baholash agentligi xabar berdi.

2023-2024-o‘quv yili uchun oliy ta’lim muassasalarining bakalavriat ta’lim yo‘nalishlariga abituriyentlarni onlayn ro‘yxatga olish yakunlandi. Hujjat topshirish 20 iyundan 20 iyulgacha davom etdi.
Abituriyentlarning ta’lim tili bo‘yicha taqsimoti:

•  O‘zbek tili – 890 ming 304 nafar;
•  Rus tili – 95 ming 456 nafar;
•  Qoraqalpoq tili – 29 ming 917 nafar;
•  Boshqa tillar – 2 ming 330 nafar.

Abituriyentlarning ta’lim shakllari bo‘yicha taqsimoti (birinchi ta’lim yo‘nalishiga nisbatan):

•  Kunduzgi ta’lim shakli – 577 ming 96 nafar;
•  Kechki ta’lim shakli – 24 ming 802 nafar;
•  Sirtqi ta’lim shakli – 407 ming 945 nafar;
•  Masofaviy ta’lim shakli – 8 ming 164 nafar.

Eng ko‘p abituriyent ro‘yxatdan o‘tgan OTMlar (birinchi ta’lim yo‘nalishiga nisbatan):

•  O‘zbekiston milliy universiteti – 36 ming 782 nafar;
•  Toshkent davlat transport universiteti – 30 ming 421 nafar;
•  Farg‘ona davlat universiteti – 29 ming 941 nafar;
•  Toshkent davlat pedagogika universiteti – 28 ming 827 nafar;
•  Qarshi davlat universiteti – 28 ming 417 nafar.

Abituriyentlarning doimiy yashash hududi bo‘yicha birinchi 5 talik: 

•  Qashqadaryo viloyati – 120 ming 8 nafar;
•  Samarqand viloyati – 114 ming 180 nafar;
•  Farg‘ona viloyati – 94 ming 999 nafar;
•  Toshkent viloyati – 89 ming 603 nafar;
•  Surxondaryo viloyati – 84 ming 457 nafar.