2019/2020 o‘quv yili uchun OTMga qabul kvotalari tasdiqlandi
Jamiyat
−
17 iyun 2019 34193
O‘zbekiston Respublikasi Prezidentining qaroriga muvofiq, 2019/2020 o‘quv yili uchun qabul kvotalari belgilandi.
Qarorga muvofiq O‘zbekiston Respublikasi oliy ta’lim muassasalariga davlat buyurtmasi asosida o‘qishga qabul qilishning quyidagi parametrlari tasdiqlandi:
a) bakalavrlar tayyorlash bo‘yicha:
kunduzgi ta’lim shakliga – 80 430 nafar;
sirtqi ta’lim shakliga – 19 985 nafar;
kechki ta’lim shakliga – 1 985 nafar;
b) magistrlar tayyorlash bo‘yicha – 7 695 nafar.
2019/2020 o‘quv yilidan boshlab to‘lov-kontrakt asosida ta’lim olayotgan barcha bosqich talabalariga, o‘z xohishlariga ko‘ra kontrakt qiymatini stipendiyali yoki stipendiyasiz shaklda to‘lash huquqi beriladi.
