Olimpiada: o‘zbekistonlik erkin kurashchi bronza medal uchun gilamga chiqadi
Sport
−
05 avgust 2021
3766Erkin kurash bo‘yicha -86 kg vaznda O‘zbekiston sharafini himoya qilayotgan Javrail Shapiyev kechki dasturda Tokio-2020 Olimpiya o‘yinlarining bronza medali uchun kurashish imkoniyatini qo‘lga kiritdi.
O‘tish bosqichida Shapiyev litsenzion jahon chempionatida bronza medali orqali Olimpiadaga yo‘llanma olgan shveysariyalik Stefan Reyxmut bilan kurashdi. Ushbu bahsda Shapiyevning qo‘li balandi keldi va kechki dasturda bronza medali uchun rossiyalik Artur Naifonovga qarshi gilamga chiqadi.
Erkin kurash bo‘yicha -57 kg vazn toifasida G‘ulomjon Abdullayev bronza medali uchun o‘tish bahsida AQSH erkin kurash terma jamoasi a’zosi Tomas Gilmanga qarshi gilamga chiqib, 1-11 hisobida imkoniyatni boy berdi va Tokio-2020 Olimpiadasidagi ishtirokini rasman yakunladi.
Ma’lumot o‘rnida, Rio Olimpiadasining erkin kurash bahslarida Ixtiyor Navro‘zov va Magomed Ibragimov bronza medaliga ega chiqqan edi. Ibragimov ertaga, 6 avgust kuni o‘z ishtirokini boshlaydi.
LiveBarchasi
07 noyabr 2023
07 noyabr 2023
07 noyabr 2023