Qohira vokzalida fojia: 28 kishi qurbon bo‘ldi
Olam
−
28 fevral 2019 10112
Kecha, 27 fevral kuni Misr poytaxti Qohira shahri markazidagi Ramzis temir yo‘l stansiyasida yong‘in kelib chiqdi. Oqibatda 28 kishi halok bo‘ldi va 50 dan ortiq kishi jarohatlandi. Bu haqda RIA Novosti yozmoqda.
Mazkur hodisa sabab Misr transport vaziri Xisham Arafat esa iste’foga chiqarildi.
Qayd etilishicha, chorshanba kuni poyezd katta tezlikda Qohira markazidagi Ramzis vokzali platformasiga kelib urilgan. To‘qnashish oqibatidan yoqilg‘i bak yonib, portlab ketgan. So‘ngra yong‘in platforma va vagon bo‘ylab tarqalgan.
Hozirda hodisa joyida qutqaruvchilar va prokuratura ish olib bormoqda. Misr bosh vaziri Mustafi Madbuli Ramzis vokzaliga tashrif buyurib, qisqa vaqt ichida hodisa aybdorlarini topib, jazolashga va’da berdi.
Holat yuzasidan Rossiya Federatsiyasi Prezidenti Vladimir Putin Misr Prezidenti va xalqiga hamdarlik bildirgan.
