OCHL: Bugun “Lokomotiv” Saudiya Arabistonida mehmon bo‘ladi
Sport
−
09 aprel 2019 5117
Bugun, 9 aprel kuni ham Osiyo Chempionlar ligasi guruh bosqichining 3-tur o‘yinlari davom ettiriladi.
Toshkentning “Lokomotiv” klubi Saudiya Arabistonining “Al Ittihod” jamoasiga qarshi maydonga chiqadi. Uchrashuv Jidda shahridagi “Qirol Abdulloh” stadionida Toshkent vaqti bilan soat 22:45da boshlanadi.
Ma’lumot uchun, “Temiryo‘lchilar” shu paytgacha “Al Ittihod” bilan ikki marta to‘qnash kelishgan bo‘lib, har ikkala bahs ham 1:1 hisobidagi durrang bilan yakunlangan edi. Bugungi bahs tomonlar uchun uchinchi rasmiy o‘yinga aylanadi.
Jamoalarning Toshkentda o‘tkalishi kerak bo‘lgan javob bahsi 22 aprel sanasiga belgilangan.
