OCHL: “AGMK” irodali g‘alabaga erishdi
Sport
−
12 Fevral 2019 16770 1 daqiqa
Avvalroq, Olmaliqning “AGMK” jamoasi Osiyo chempionlar ligasi saralash bahslari 2-bosqichida Tojikistonning “Istiqlol” klubiga qarshi maydonga tushishi haqida xabar bergan edik.
Olmaliqning “AGMK” klubi o‘z maydonida o‘tgan o‘yinda irodali g‘alabani qo‘lga kiritdi. O‘yin 4-2 hisobda yakunlandi.
O‘yin ancha qiziqarli kechdi. Muhammadjon Rahimov 2-daqiqadayoq hisobni ochib, “Istiqlol”ni oldinga olib chiqdi. O‘yinning 25 daqiqasida Dilshod Jo‘rayev hisobni tenglashtirdi. Birinchi bo‘limda boshqa gol urilmadi.
O‘yinning 62-daqiqasida Jalil Kimsanov “AGMK” darvozasini ishg‘ol qilib, “Istiqlol”ni hisobda oldinga olib chiqdi. Shundan so‘ng, “AGMK” futbolchilari Sanat Shixov (72-daqiqa), Jasur Hakimov (78), Zafar Polvonov (81) raqib darvozasiga aniq zarba yo‘llab, klublariga g‘alaba keltirdilar.
Endi “AGMK” OCHL saralashining pley-off bosqichida Saudiya Arabistonining “An-Nasr” klubi bilan o‘ynaydi. Bellashuv 19 fevral kuni safarda o‘tkaziladi. G‘olib jamoa OCHL guruh bosqichiga yo‘l oladi.
Live
Barchasi