Obama Trampni mamlakatda koronavirusni “eplolmaganlikda” aybladi
Olam
−
22 Oktabr 2020 5007
AQSHning sobiq Prezidenti Barak Obama bu yilgi saylovlarda prezidentlikka nomzod Jo Baydenni qo‘llab-quvvatlamoqda.
Obama, kecha, 21 oktyabr kuni Pensilvaniya shtatidagi Filadelfiya shahrida o‘tazilgan saylovoldi mitingda ishtirok etgan.
Ishtiroki davomida Obama Demokratik partiyadan prezidentlikka nomzod Jo Baydenni qo‘llab-quvvatlab, nutq so‘zlagan.
Sobiq davlat rahbari nutqi davomida Pensilvaniya shtatiga kelishni yaxshi ko‘rishini tan olgan. Ma’lumki, Obama 2008 va 2012 yillarda ushbu shtatda g‘alaba qozongan.
"Siz meni ikki marta qo‘llab-quvvatlagansiz. Bugun esa men Oq uy Jo Bayden va Kamola Xarrisga tegishi uchun yordam berishingizni so‘rab keldim", degan Obama miting ishtirokchilariga.
Obamaga ko‘ra, Tramp o‘z ishiga xuddi "realiti-shou" sifatida qaraydi.
Shuningdek, Obama "AQSHning dunyoda obro‘si toptalgani" da, koronavirus bilan kurashish uchun mamlakatda samarali choralar ko‘rilmaganida ham Oq uyning amaldagi rahbarini ayblagan.
Ma’lumot uchun, Obama Baydenni qo‘llab-quvvatlashini rasman aprel oyida e’lon qilgan. Ammo shu paytgacha u demokratni qo‘llab-quvvatlash maqsadida ommaviy tadbirlarda gapirmagandi.
Barak Obama 2009-2017 yillarda AQSH Prezidenti bo‘lgan.
Eslatib o‘tamiz, AQSHda navbatdagi prezidentlik saylovi joriy yilning 3 noyabr kuni bo‘lib o‘tadi.
Live
Barchasi
