Nexia-3 bilan to‘qnashgan Damas piyodani ham urib yubordi

Joriy yilning 24 aprel kuni Andijonda Nexia-3 bilan to‘qnashgan Damas piyodani urib yubordi. Bu haqda Andijon viloyati IIB YHXB Matbuot xizmati xabar berdi.

Unga ko‘ra, 2023 yil 24 aprel kuni soat 07:30 larda Asaka tumanida yashovchi 1991 yilda tug‘ilgan D.I. o‘zining Damas'ida tumanning "Kujgan" MFY hududida chap tomondan harakatlanib kelayotgan Asaka tumanida yashovchi 2002 yilda tug‘ilgan J.Sh. boshqaruvida bo‘lgan Nexia-3 bilan to‘qnashib ketgan.

"To‘qnashuv oqibatida Damas yo‘l chetida turgan Asaka tumanida yashovchi 1976 yilda tug‘ilgan Q.Ye.ga borib urilgan. Piyodaga hech qanday tan jarohati yetmagan. Shuningdek, Damas'da bo‘lgan Asaka tumanida yashovchi 1975 yilda tug‘ilgan M.S. ham tan jarohati olmagan", deyiladi xabarda.

To‘qnashuv sababli Damas va Nexia-3 rusumli avtomashinalari moddiy zararlangan. Mazkur holat yuzasidan hozirda qo‘shimcha surishtiruv ishlari olib borilmoqda.

Nurmuhammad Fayzullayev