“Nega maymunga aylanvossan?” Toshkentda yana bog‘cha opa yosh bolani kaltaklagani aytilmoqda (video)

3-sahifa

−

05 may 2024 visibility10226

Avvalroq ijtimoiy tarmoqlarda "Toshkentda bog‘cha opa yosh bolani kaltaklamoqda", sarlavhasi ostida videolavha tarqalgandi. Mirzo Ulug‘bek tumanida joylashgan 512-bog‘chada sodir bo‘lgani aytilayotgan voqeada bog‘cha opa tarbiyalanuvchilardan birining tug‘ilgan kunida yosh bolalarni haqoratlab, urayotgani aks etgan.

"Man bu yerda video qivomman, san nega maymunga aylanvossan?" deya tanbeh bergan tarbiyachi murg‘ak bolaga.

Mazkur holat yuzasidan Bosh prokuratura axborot xizmati rahbari qo‘shimcha ma’lumot berdi.

"Mirzo Ulug‘bek tumanidagi maktabgacha ta’lim tashkilotida sodir bo‘lgan holat yuzasidan prokuratura tomonidan tergovga qadar tekshirish harakatlari olib borilmoqda. Holatga huquqiy baho berilishi ta’minlanadi", deyiladi xabarda.

Eslatib o‘tamiz, Toshkentdagi bog‘chada bolalarni qo‘rqitib, kuch ishlatgan tarbiyachi ishdan olingandi.

Maqola muallifi