Neftning “o‘ynashi” Rossiyaga qanday ta’sir ko‘rsatadi?

Rossiya iqtisodiyot universiteti (RIU) mutaxassislari neftning o‘rtacha yillik narxini pasaytirish bilan mamlakat byudjetiga yetishi mumkin bo‘lgan zararni hisoblab chiqishdi. Bu haqda “Izvestiya” nashri yozmoqda.

Iqtisodchilarning hisob-kitoblariga ko‘ra, agar neftning o‘rtacha yillik narxi bir barrel uchun 30 dollarga tushsa, Rossiya byudjeti 2,5 trillion rubl yo‘qotadi. Agar narx bir barrel uchun 20 dollarga tushsa, zarar 3 trillion rublni, neft 10 dollarga tushganda - 4,7 trillion rublni tashkil etadi.

Shu bilan birga, neftning o‘rtacha yillik narxining barrel uchun 1 dollarga tushishi 2 trillion rubl miqdorida zararga olib keladi, deya taxmin qilinadi tadqiqotda. Mutaxassislarning ta’kidlashicha, bu holda yo‘qotishlar rublning devalvatsiyasi bilan qisman qoplanadi.

“Ta’kidlanishicha, RIU mutaxassislari Rossiya neftining narxi bir barrel uchun deyarli 0 dollargacha pasayishini istisno etmaydi, ammo o‘rtacha yillik narxning 30 dollardan pastga tushishi dargumon bo‘lib qolmoqda”, deb yozadi nashr.