NATO O‘rta yer dengizida harbiy mashg‘ulotlar boshladi
Olam
−
28 fevral 4115
O‘rta yer dengizining markaziy qismida NATOning “Dynamic Manta-24” yillik mashg‘ulotlari boshlandi. Bu haqda “Euronews” xabar berdi.
Mashg‘ulotlarda Turkiya, Kanada, Fransiya, Germaniya, Gretsiya, Italiya, Ispaniya, Buyuk Britaniya va AQSH harbiy xizmatchilari ishtirok etmoqda.
Xabar qilinishicha, manyovrlar davomida Shimoliy Atlantika alyansi davlatlari yer va havo kuchlari bilan kelishilgan holda suvosti kemalariga qarshi urushga oid vazifalarni mashq qiladi.
Qayd etilishicha, O‘rta yer dengizi o‘zining murakkab suvosti relefi bilan mashg‘ulotlar uchun ideal fon hisoblanadi.
8 martgacha davom etadigan manyovrlarda yettita suvosti kemasi, aviatsiya va suvusti kemalari ishtirok etadi.
