Namanganning To‘raqo‘rg‘onida ham koronavirus aniqlandi

Jamiyat

image

Bugun, 30 may kuni soat 9:00 holatiga Namangan viloyatida koronavirus infeksiyaga chalingan bemorlar soni 258 nafarga yetdi. To‘raqo‘rg‘on tumanida yangi ikki holat qayd etildi. Bu haqda Namangan viloyati hokimligi huzuridagi Koronavirus profilaktikasi shtabining ijtimoiy tarmoqdagi rasmiy sahifasida xabar berildi.

Bemorlardan biri 1963 yilda tug‘ilgan erkak, ikkinchisi 1992 yilda tug‘ilgan ayol bo‘lib, har ikki holat ham karantin muassasasida qayd etilgan. To‘raqo‘rg‘onda bugungacha koronavirusga chalinish holati qayd etilmagandi.

Bugun viloyatda koronavirus infeksiyasini yuqtirganidan keyin davolanib, to‘liq tuzalganlar soni 247 kishini tashkil etmoqda. To‘rt kishi vafot etgan.

Hozirda viloyat yuqumli kasalliklar shifoxonasida 7 kishi davolanmoqda.

Bugungacha O‘zbekistonda 3488 kishida koronavirus aniqalangandi. Ularning 2728 nafari butunlay sog‘aygan va 14 nafari vafot etgan.


Maqola muallifi

Teglar

Koronavirus O'zbekistonda

Baholaganlar

308

Reyting

3

Maqolaga baho bering

Doʻstlaringiz bilan ulashing