Namanganda ikki Nexia to‘qnashdi. Qurbonlar bor

Kecha, 23 iyul kuni Namangan viloyatida yuz bergan yo‘l-transport hodisasi natijasida ikki kishi halok bo‘ldi. Bu haqda IIV Matbuot xizmati berdi.

YTH 23 iyul kuni soat 9:15 da Pop tumanida sodir bo‘lgan. Namangan tumanida yashagan 66 yoshli A.A. Nexia avtomobilida “Hazratibob” MFY hududidan o‘tuvchi “Pungon-Namangan” yo‘lida haydab ketayotib, boshqaruvni eplay olmay qarama-qarshi yo‘nalishga chiqib ketgan. Natijada Toshkent shahar Sergeli tumanida yashovchi 45 yoshli Sh.A. boshqaruvidagi Nexia bilan to‘qnashuv sodir etgan.

Natijada A.A. boshqaruvidagi Nexia avtomashinasi haydovchisi shifoxonada hamda u bilan ketayotgan turmush o‘rtog‘i 62 yoshli M.A. jarohat olib, voqea joyida vafot etgan.

Shuningdek, haydovchi A.A.ning bir nafar go‘dak nabirasi hamda yana bir Nexia haydovchisi Sh.A. tan jarohatlari bilan shifoxonaga yotqizilgan. Holat yuzasidan jinoyat ishi qo‘zg‘atilib, tergov harakatlari olib borilmoqda.