Namangan viloyatiga yangi bosh imom-xatib tayinlandi
Jamiyat
−
07 Oktabr 2023
8338Bugun, 7 okyatbr kuni Musoxon qori Abbosiddinov Namangan viloyatining bosh imom-xatibi lavozimiga tayinlandi. Bu haqda O‘zbekiston Musulmonlari idorasi matbuot xizmati xabar berdi.
Ma’lum qilinishicha, O‘zbekiston musulmonlari idorasi raisi, muftiy Shayx Nuriddin Xoliqnazar raisligida Namangan viloyatida faoliyat yuritayotgan imom-xatiblarning majlisi bo‘lib o‘tgan.
Yig‘ilishda tashkiliy masalalar ko‘rilgan.
Unga ko‘ra, Abdulhay domla Tursunov o‘z arizasiga binoan Namangan viloyati bosh imom-xatibi vazifasidan ozod etilib, unga “Faxriy imom” maqomi berilgan.
“Namangan viloyati bosh imom-xatibi lavozimiga Namangan shahar bosh imomi va “Yusufxon o‘g‘li Qosimxon” jome masjidi imom-xatibi vazifasida ishlayotgan Musoxon qori Abbosiddinov tayinlandi”, deyiladi xabarda.
Ma’lumot o‘rnida, Musoxon qori Abbosiddinov 2010 yildan buyon Namangan shahar bosh imom-xatibi vazifasida ishlab kelayotgan edi.
LiveBarchasi
22 Oktabr