MYUning mag‘lubiyatsiz seriyasi 6 ta o‘yinga yetdi

Kecha, 23 fevral kuni Angliya Premer-ligasining 27-turi doirasida “Manchester Yunayted” jamoasi “Everton”ni kichik hisobda mag‘lubiyatga uchratdi. Shu orqali manchesterliklarning bosh murabbiy vazifasini vaqtincha bajaruvchi Maykl Kerrik qo‘l ostida mag‘lubiyatsiz seriyasi olti o‘yinga yetdi.  

Angliya Premer-ligasining 27-turidan o‘rin olgan so‘ngi uchrashuvda “Manchester Yunayted” safarda “Everton”ni 1:0 hisobida mag‘lub etdi. Uchrashuvdagi yagona golni Benjamin Sheshko 71-daqiqada kiritdi.

Mazkur g‘alabadan so‘ng “qizil iblislar” 48 ochko bilan turnir jadvalida to‘rtinchi o‘rinda bormoqda. Shu tariqa, “qizil iblislar” 6 ta o‘yinda 5 ta g‘alaba va 1 ta durang qayd etib, barqaror natija ko‘rsatmoqda.

Jamoa navbatdagi bahsni joriy yilning 1 mart kuni o‘z maydonida “Kristal Pelas”ga qarshi o‘tkazadi.

Eslatib o‘tamiz, Kerrik 2026 yil yanvar oyida Ruben Amorim murabbiylik lavozimini tark etganidan so‘ng jamoaning vaqtinchalik bosh murabbiyiga aylangandi.