MYU Nagelsmann bilan muzokaralarni boshladi – OAV

“Manchester Yunayted” Germaniya terma jamoasi bosh murabbiyi Yulian Nagelsmann bilan dastlabki kelishuv uchun aloqaga chiqdi. Bu haqda “Topskills Sports UK” nashri xabar berdi.

Manbaga ko‘ra, bu qaror murabbiyning uslubiga ashaddiy muxlis bo‘lgan va klubning bo‘lim boshlig‘i Kristofer Vivell bosimi fonida yuz bermoqda. Klub rahbariyati Nagelsmanni Yurgen Kloppning “Liverpul”dagi afsonaviy muvaffaqiyatiga taqlid qilib, Premer-ligada hukmronlik qila oladigan navbatdagi nemis murabbiysiga aylanishiga ishonmoqda.

Shuningdek, Ser Jime Redkliff hamda Vivellning klub ichidagi ta’siri sezilarli darajada oshgani, texnik direktor esa germaniyalik mutaxassisning taktik yondashuvini, ayniqsa yuqori baholayotgani qayd etilmoqda.

Biroq, jamoaning asosiy o‘yinchilaridan biri – Brunu Fernandesh hozirgi vaqtinchalik menejer Maykl Kerrikni faol qo‘llab-quvvatlamoqda. Manbaga ko‘ra, agar Kerrik klubni tark etsa, Fernandesh haftasiga 400 ming funt sterling va bonuslarni o‘z ichiga olgan yangi shartnoma bilangina jamoada qolishga tayyor. Agar Kerrik faoliyatini davom ettirsa, portugaliyalik yarim himoyachi har ikki tomonni qoniqtiradigan maosh bo‘yicha muzokaralarga ochiq.

Qayd etilishicha, Yulian Nagelsmann endilikda bosh murabbiy lavozimiga asosiy nomzodlardan biriga aylangan va uning vakillari bilan muzokaralar, allaqachon dastlabki bosqichda.