Moskvada politsiya va bir guruh migrantlar to‘qnashdi

Kecha, 15 dekabr kuni Moskva janubi-sharqidagi “Sadovod” bozorida migrantlar guruhi politsiya bilan to‘qnashdi. Bu haqda Tergov qo‘mitasi matbuot xizmati xabar berdi. 

Qo‘mita ma’lumotlariga ko‘ra, mahalliy politsiyachi 21 yoshli tojikistonlik fuqaroning hujjatlarini tekshirmoqchi bo‘lgan, biroq u mashinada qochishga uringan va politsiyachini bir necha metrga sudrab ketgan. Shundan so‘ng yigit mashinadan tushib, politsiyachini urgan.

Huquqbuzarni qo‘lga olmoqchi bo‘lganida unda epilepsiya tuta boshlagan, politsiyachi unga birinchi tibbiy yordam ko‘rsatgan va tez yordam chaqirgan. Erkak tibbiy muassasaga olib ketilgan, u yerdan politsiya xodimlari hamrohligida qo‘yib yuborilgan.

Shu bilan birga, qo‘lga olingan shaxsga yordam berayotganda, 80 dan ortiq tajovuzkor fuqarolar militsiya xodimlariga yaqinlashib, xizmat mashinasining g‘ildiraklarini kesib, ularni mahbusdan uzoqlashtirishga harakat qilgan.

Voqea joyiga qo‘shimcha politsiya yetib kelgan. Politsiya yuqoriga qarab bir nechta ogohlantiruvchi o‘q uzgan, otishmalardan jabrlanganlar yo‘q. Umumiy hisobda 82 kishi hibsga olingan. Ular migratsiya qonunchiligini buzishda ayblanishi mumkin.