Monopoliyalarning mutlaq huquqlari bosqichma-bosqich bekor qilinadi

north_east

Tadbirkorlarga valyutafurushlik bilan shug‘ullanishga ruxsat beriladi

Monopoliyaga qarshi kurashish qo‘mitasi Prezidentning “Raqobat muhitiga salbiy ta’sir ko‘rsatadigan to‘siqlarni bartaraf etish va tadbirkorlik faoliyati yo‘nalishlarini yanada kengaytirish chora-tadbirlari to‘g‘risida”gi qarori loyihasini ishlab chiqib, muhokamaga qo‘ydi.

Hujjat bilan 2022 yil 1 iyuldan boshlab:

•    aeroportlar, yo‘l qurilish, elektr va issiqlik energiyasini ishlab chiqarish, issiqlik ta’minoti, neft mahsulotlarini sotish va boshqa sohalardagi korxonalarning davlat ulushlarini bosqichma-bosqich xususiy sektorga sotilishi;
•    rangli metallarning parchalari va chiqindilarini sotib olish, qayta ishlash, sotish va tayyorlash faoliyati bilan xususiy sektor shug‘ullanishi mumkinligi nazarda tutilmoqda.

Hujjat bilan 2022-2026 yillarda xususiy sektorni keng jalb qilish hamda eksklyuziv huquqlarni bekor qilish orqali mavjud monopoliyalarni bartaraf etish bo‘yicha chora-tadbirlar rejasini tasdiqlash taklif qilinmoqda.

Xususan, reja davlat ulushlarini xususiylashtirish, davlat-xususiy sheriklikni rivojlantirish yo‘li bilan bosqichma-bosqich xususiy sektorga o‘tkazishni o‘z ichiga oladi.

Ro‘yxatda ko‘rsatilgan faoliyat turlari bilan erkin shug‘ullanishni ta’minlashga qaratilgan “Yo‘l xaritalari”ni ishlab chiqish rejalashtirilmoqda.

Loyiha o‘zgartirilishi, unga qo‘shimcha kiritilishi yoki rad etilishi mumkin.