Monopoliyadan chiqarish qo‘mitasi ikkita qonunni birlashtirmoqchi

O‘zbekiston Respublikasining Xususiylashtirish, monopoliyadan chiqarish va raqobatni rivojlantirish davlat qo‘mitasida yangi tahrirdagi “Raqobat to‘g‘risida”gi qonun loyihasi muhokama qilina boshladi, deb xabar berdi “Norma”.

Yangi tahrirda ikkita: “Raqobat to‘g‘risida” va “Tabiiy monopoliyalar to‘g‘risida”gi qonunlarni qo‘shib yuborish nazarda tutilgan.

Qo‘mita mutaxassislari amaldagi qonun hujjatlarida nazarda tutilmagan alohida moddalarni kiritishni taklif qilyapti:

• raqobat prinsiplari;
• davlat ko‘magi, monopsoniya (bozordagi vaziyat, bunda yagona xaridor ko‘plab sotuvchilar bilan hamkorlik qilib, ulardagi narx va sotish hajmini belgilaydi, tahr.) tushunchasining joriy etilishi;
• raqamli bozorlar;
• savdo faoliyatini monopoliyaga qarshi tarzda tartibga solish;
• monopoliyaga qarshi komplayens (tahdidlarga qarshilik qilish va xatarlarni boshqarish tizimi, tahr.).