MOQ raisiga yangi vitse-prezident tayinlanmoqda
Sport
−
16 noyabr 2020 5678
O‘zbekiston Taekvando WTF Assotsiatsiyasi raisi lavozimida ishlab kelayotgan Sherzod Toshmatov Milliy Olimpiya qo‘mitasi vitse-prezidenti lavozimiga tayinlandi. Bu haqda QALAMPIR.UZ manbasi xabar berdi.
Tayinlov bugun, 16 noyabr kuni O‘zbekiston Milliy olimpiya qo‘mitasining navbatdagi Assambleyasida e’lon qilinadi. Yig‘ilish Bosh kotib Oybek Qosimov tomonidan o‘tkazilishi kutilmoqda.
Ayni vaqtda MOQ Prezidentining uch nafar vitse-prezidenti bor. Ular:
• Salim Abduvaliyev, O‘zbekiston sport kurashlari assotsiatsiyasi raisi;
• Aziz Komilov, O‘zbekiston dzyudo federatsiyasi raisi;
• Saken Po‘latov, O‘zbekiston boks federatsisi raisining birinchi o‘rinbosari.
Ma’lumot o‘rnida, Sherzod Toshmatov 2014-2019 yillarda O‘zbekiston boks federatsiyasi vitse-prezidenti lavozimida ishlagan.
Live
Barchasi
