Modi dunyodagi mojarolarni hal qilish yo‘lini aytdi

Hindiston dunyodagi barcha mojarolarni hal qilish uchun yagona tinch yo‘l bu muloqot deb hisoblaydi. Bu haqda bugun, 9 iyul kuni mamlakat Bosh vaziri Narendra Modi Rossiya Prezidenti Vladimir Putin bilan uchrashuv chog‘ida so‘z ochdi.

Qayd etilishicha, ikki davlat yetakchilari o‘rtasidagi uchrashuv tor doirada bo‘lib o‘rgan. Rossiya Prezidenti matbuot kotibi Dmitriy Peskovning xabar berishicha, Putin va Modi Kremlda Rossiya-Hindiston munosabatlarini yanada rivojlantirish istiqbollari, shuningdek, xalqaro va mintaqaviy kun tartibidagi dolzarb masalalarni muhokama qilishni rejalashtirgan.

Modining ta’kidlashicha, so‘nggi besh yil ichida dunyo avvaliga koronavirus pandemiyasi, keyin esa turli mojarolar tufayli ko‘plab muammolarga duch kelgan.

“Raketalar va snaryadlar muammolarning yechimi bo‘la olmaydi. Yetakchi davlatlar o‘rtasidagi muloqotgina tinchlik bilan bizni ta’minlashiga ishonchimiz komil”, deydi Modi.

U, shuningdek, Hindiston Ukrainadagi vaziyatni barqarorlashtirish va mojaroni hal qilish uchun har qanday yordamga tayyor ekanligini ta’kidladi.

Eslatib o‘tamiz, avvalroq Rossiya Prezidenti Vladimir Putin Ukraina bilan urushga jalb qilingan barcha hindistonliklarni Rossiya armiyasidan chetlashtirishga ruxsat bergandi.