Misrda 10 ming yoshdagi san’at asari topildi

Sinay yarim orolida arxeologlar 10 ming yillik tosh san’ati yodgorligini topdi. Bu haqda Misr Turizm va qadimiy yodgorliklar vazirligi xabar berdi.

Ma’lum bo‘lishicha, joriy yilning 12 fevral kuni Umm Irak platosida joylashgan ilgari noma’lum bo‘lgan joy 100 metr uzunlikdagi qoyatosh shakllanishiga ega bo‘lib, uning xilma-xil o‘ymakorligi inson badiiy ifodasining tarixdan avvalgi davrlardan Islom davrigacha bo‘lgan evolyutsiyasi haqida ekani aniqlangan.

Qadimiy yodgorliklar oliy kengashi bosh kotibi Hisham El-Leytining so‘zlariga ko‘ra, uning xronologik xilma-xilligi uni ochiq osmon ostidagi tabiiy muzeyga aylantirishi mumkin. Tabiiy tosh boshpanasining shiftida qizil pigmentli hayvonlar va ramzlar tasvirlangan. Ko‘plab rasmlarda arab va nabatean tillaridagi yozuvlar aniqlangan.

Vazirlikning ma’lum qilishicha, bu san’at asarida ilk inson jamoalarining turmush tarzi va iqtisodiy faoliyati aks ettirilgan. Ichkarida hayvonlarning axlati, tosh to‘siqlar va o‘choq qoldiqlari bu yerni uzoq vaqt davomida boshpana sifatida ishlatilganligini tasdiqlaydi.

Eslatib o‘tamiz, avvalroq Xalqaro astronomlar guruhi HD 137010 b ekzosayyorasi kashf etgani  haqida xabar berilgandi. U Yerdan taxminan 146 yorug‘lik yili uzoqlikda joylashgan bo‘lib, o‘lchami jihatidan Yerga yaqin va o‘z yulduzi atrofida aylanish davri ham o‘xshashligi aniqlangan.

Javohir Aliqulov