Mirziyoyev bugun Jizzaxga boradi
Jamiyat
−
22 iyul 8001 1 daqiqa
Bugun, 22 iyul kuni Prezident Shavkat Mirziyoyev Jizzax viloyatiga boradi. Bu haqda Prezident matbuot kotibi Sherzod Asadov ma’lum qildi.
Bildirilishicha, tashrif doirasida Prezident viloyatda sanoat va ijtimoiy sohada amalga oshirilayotgan ishlar, yangi ishlab chiqarish quvvatlari va boshqa ob’ektlar bilan tanishadi.
7 iyul kuni Prezident Shavkat Mirziyoyev Jizzax viloyatida islohotlar natijadorligi, ishlarning borishi va aholini qiynayotgan masalalar hal etilishi yuzasidan hisobot bilan tanishgandi.
Eslatib o‘tamiz, 10 iyul kuni Shavkat Mirziyoyev Toshkent shahrining Shayxontohur va Chilonzor tumanlarida bo‘lib, mahallalardagi bunyodkorlik va obodonlashtirish ishlari, sanoat korxonalari faoliyati bilan tanishgandi. O‘tgan oyda esa Prezident Toshkent va Qashqadaryo viloyatlarida bo‘lgan edi.
Live
Barchasi
