Milliy gvardiya qo‘mondoniga ikki o‘rinbosar tayinlandi
Jamiyat
−
27 aprel 2022 29685
O‘zbekiston Respublikasi Milliy gvardiyasi qo‘mondoniga ikkita yangi o‘rinbosar tayinlandi. Bu haqda tashkilot Matbuot xizmati xabar berdi.
Polkovnik Adhamjon Raimovich Sormonqulov O‘zbekiston Respublikasi Milliy gvardiyasi qo‘mondonining jangovar va maxsus tayyorgarlik bo‘yicha o‘rinbosari lavozimiga tayinlandi.
Tayinlovga qadar polkovnik Adhamjon Sormonqulov Milliy gvardiyaning Toshkent shahridagi brigada komandiri lavozimida faoliyat yuritib kelgan.
Polkovnik Sarvar Dehqonovich Mamayusupov Milliy gvardiya qo‘mondonining tarbiyaviy ishlar, kadrlar va yoshlar masalalari bo‘yicha o‘rinbosari lavozimiga tayinlandi.
Tayinlovga qadar Sarvar Mamayusupov Milliy gvardiya qo‘mondonining yoshlar bilan ishlash masalalari bo‘yicha o‘rinbosari lavozimida faoliyat yuritib kelgan.
Live
Barchasi
