Messining arabcha “to‘ni” uchun 1 million dollar taklif qilindi
Sport
−
23 dekabr 2022 15541
Ummon davlati parlamenti deputati Ahmad Al-Barvoniy argentinalik hujumchi Lionel Messiga 2022 yilda Qatarda bo‘lib o‘tgan futbol bo‘yicha Jahon chempionati finalining taqdirlash marosimida kiygan arabcha bisht libosi uchun 1 million dollar taklif qildi.
“Ummon Sultonligi nomidan sizni Qatarda bo‘lib o‘tgan 2022 yilgi Jahon chempionatidagi g‘alabangiz bilan tabriklayman. Jasorat va donolik ramzi bo‘lgan arabcha bishtingizga 1 million dollar taklif qilaman. Qatar amiri sizga bisht bergan lahzani stadionda jonli ko‘rdim. Bu bizning madaniyatimizni dunyoga namoyish etdi. Bu turnir bizning faxrimiz. U arablarning birlashganligini ko‘rsatdi”, deb yozdi Al-Barvoniy o‘z Twitter sahifasida.
Avvalroq, Messi bishtni kiyib taqdirlash marosimida qatnashganligi uchun FIFA tomonidan jarimaga tortilishi mumkinligi haqida xabar qilingandi.
Live
Barchasi
