Messi rekordlar ummonida suzishda davom etadi

13 dekabr kuni JCH-2022 yarim finalidan o‘rin olgan Argentina hamda Xorvatiya terma jamoalari o‘rtasidagi uchrashuv bo‘lib o‘tdi. Bahs Lusail shahridagi "Milliy" stadionda o‘tkazildi. To‘qnashuv 3:0 hisobida janubiy amerikaliklar foydasiga hal bo‘ldi.

Argentina terma jamoasi hujumchisi Lionel Messi terma jamoa safida bir kalendar yilida gol urish bo‘yicha shaxsiy rekordini o‘rnatdi – Lionel tomonidan Xorvatiya darvozasiga kiritilgan to‘p uning 2022 yilda milliy terma jamoadagi 16-goli bo‘ldi. Shu vaqtga qadar Messi uchun eng sermahsul mavsum 2012 yil bo‘lib, o‘sha yili u terma jamoada 12 ta gol urgan edi. Shuningdek, hujumchi Jahon chempionatlaridagi 25-o‘yinini o‘tkazib, bu borada germaniyalik afsonaviy futbolchi Loter Matteusning rekordini takrorladi. Joriy mundial Messining faoliyatidagi beshinchi JCH (2006, 2010, 2014, 2018, 2022) hisoblanadi. Matteus esa 1982, 1986, 1990, 1994 va 1998 yillarda Jahon chempionatlarida qatnashgan.

JCH finaliga chiqqan Argentinaning raqibi 15 dekabrga o‘tar kechasi boshlanadigan Marokash va Fransiya terma jamoalari o‘rtasidagi qarama-qarshilik yakunida ma’lum bo‘ladi.