Messi Xolandni ortda qoldirdi
Sport
−
13 iyul 2023 3929
Argentinalik futbolchi Lionel Messi ESPY Award talqiniga ko‘ra, yilning eng yaxshi futbolchisi sovrinini qo‘lga kiritdi. Bu haqda ESPN xabar berdi.
Manbaga ko‘ra, Messi sorvrin uchun kurashda “Manchester Siti” a’zosi Erling Xolandni ortda qoldirgan. Mukofotga Messi va Xolanddan tashqari “Barselona” va Ispaniya terma jamoasi futbolchisi Aytana Bonmati hamda AQSH terma jamoasi va “Portlend Torns” klubi vakili Sofiya Smit da’vogarlik qilgan.
Ta’kidlash joiz, ESPY mukofoti Amerikaning ESPN telekanali tomonidan yilining eng yaxshi sportchi va jamoalariga beriladi. ESPY mukofoti g‘oliblari muxlislar ovozi bilan aniqlanadi.
Ma’lumot uchun, Messi 7 karra “Oltin to‘p” sohibi hisoblanadi. U FIFA tomonidan 3 marta “The Best” sovrini bilan taqdirlangan. Shuningdek, Messi o‘zi ishtirok etgan bir qancha nufuzli turnirlarning eng yaxshi futbolchisi deb topilgan.
Live
Barchasi
