Messi ikkita o‘yinga safdan chiqdi
Sport
−
01 Sentabr 2023
4436Amerika Qo‘shma Shtatlarining “Inter Mayami” klubi sardori Lionel Messi jamoaning sentyabr oyidagi ikki o‘yinida qatnasha olmaydi. Bu haqda klub matbuot xizmati xabar berdi.
Ma’lum qilinishicha, argentinalik futbolchi “Inter Mayami”ning 4 sentyabrdagi “Los-Anjeles” va 10 sentyabrdagi “Sporting” bilan bo‘ladigan bahslarini o‘tkazib yuboradi. Bunga forvardning 2026 yilgi Jahon chempionatining saralash bosqichidan o‘rin olgan uchrashuvlarda qatnashishi uchun Argentina terma jamoasiga chaqirtirilgani sabab bo‘lgan.
Tarkibida Messi bo‘lgan Argentina milliy terma jamoasi birinchi uchrashuvini 8 sentyabr kuni Ekvadorga, 12 sentyabrda esa Boliviyaga qarshi o‘tkazadi.
36 yoshli futbolchi “Inter Mayami” safiga 17 sentyabr kuni – “Atalanta Yunayted”ga qarshi o‘yingacha qo‘shilishi kerak.